Majira ya saa moja usiku leo, Simba mabingwa wa soka Tanzania Bara, watakuwa na uwakilishi wa nchi katika mchezo wa mkondo wa kwanza robo fainali ya michuano ya ligi ya mabingwa barani Afrika dhidi ya Kaizer Chiefs
Baada ya chakula cha mchana, wachezaji walipata nasaha kutoka kwa Balozi wa Tanzania Afrika Kusini Meja Jenerali Gaudence Milanzi (Mst) ambaye aliwahamasisha kuhakikisha wanapata ushindi baadae leo
Balozi Gaudence Milanzi amewataka wachezaji kuhakikisha wanawatoa 'kimasomaso' Watanzania kwa kushinda mchezo huo
Amesema ana imani kubwa na kikosi cha Simba na kuwa leo watafanya vizuri kama walivyofanya katika michezo iliyopita
Aidha Balozi Gaudence Milanzi amebainisha kuwa mchezo huo utachezwa pasipo uwepo wa mashabiki lakini anaamini kwa wachezaji wa Simba hilo haliwezi kuwa tatizo kwao kuweza kutimiza majukumu yao
