Kuwa mchezaji wa Simba wakati huu ni raha sana. Ni kipindi bora sana cha kikosi cha Simba, ni kipindi bora sana kwa wachezaji wake
Simba ya sasa inaufanya mpira uonekane kama mchezo rahisi sana
Wenyewe wanasema Simba ya sasa inacheza kama 'playstation'
Wachezaji wanafurahia kile wanachokifanya uwanjani
Mashabiki wa Simba msimu huu wana kila sababu ya kuhitaji mambo makubwa zaidi kutoka kwa timu yao
Mashabiki wanataka historia mpya iandikwe kule kwenye michuano ya ligi ya mabingwa
Dakika 180 zijazo zinaweza kuishuhudia Simba ikitinga nusu fainali ya michuano ya ligi ya mabingwa
Dakika 180 nyingine zinaweza kuwashuhudia wababe hao wa soka nchini wakiingia fainali
Dakika 90 nyingine zinaweza zikaishuhudia Simba ikitawazwa mabingwa wa Afrika kwa mara ya kwanza
Unaweza kufikiri ni kitu kisichowezekana, lakini kwa Simba hii ya akina Miquissone, Chama, Bwalya lolote linawezekana
