Meneja wa kikosi cha Simba, Patrick Rweyemamu amesema wako tayari kupambana na kupata pointi tatu kwenye mechi ya Ligi ya Mabingwa Afrika dhidi ya Kazier Chiefs itakaopigwa Jumamosi, May 15 katika uwanja wa FNB
Simba iliwasili Afrika Kusini jana na jioni wachezaji wakapata nafasi ya kufanya mazoezi yao ya kwanza ya maandalizi ya mchezo huo
Rweyemamu amesema timu iliwasili salama, wachezaji wote wana ari, wanaendelea na maandalizi
"Tunashukuru tumefika salama, tunaendelea na maandalizi ya mchezo, muhimu ni kuhakikisha kupata pointi tatu," alisema Rweyemamu
Huu utakuwa mchezo wa kwanza kati ya Kaizer Chiefs dhidi ya Simba, mabingwa hao wa kihistoria wakipewa nafasi kubwa ya kushinda
Pamoja na kuvuka robo fainali ya ligi ya mabingwa, Chiefs hawana msimu mzuri, katika msimamo wa ligi kuu ya Afrika Kusini, wanashika nafasi ya tisa
Licha ya kuonekana hawako vizuri kwenye ligi, Simba wasiwachukulie kirahisi kwani timu hiyo imepata matokeo katika mechi zenye ushindani ikiwemo kuwafunga mabingwa watetezi Mamelodi Sundowns kwenye mchezo uliopigwa hivi karibuni
