Tutaiheshimisha Tanzania - Gomes

Kocha Mkuu wa Simba Didier Gomes amesema wanakwenda Afrika Kusini wakiwa na matumaini makubwa ya kufanya vizuri katika mchezo wa robo fainali ligi ya mabingwa dhidi ya Kaizer Chiefs

Simba imeondoka Alfajiri ya leo Jumanne kuelekea Afrika Kusini tayari kwa mchezo huo ambao utapigwa Jumamosi, May 15 2021

Akizungumza na wanahabari muda mfupi kabla ya timu kuondoka, Gomes alisema vijana wana ari kufanya vizuri katika mchezo huo

"Tunajua hautakuwa mchezo mwepesi lakini nasi tumejiandaa vya kutosha. Ni mchezo ambao tumeusubiri kwa muda mrefu. Tumejipanga, tutacheza kwa hamasa ya juu na kujitoa kwa sababu tunataka kuipa heshima Tanzania na mashabiki wa Simba," amesema