Mchezo dhidi ya Coastal Union wasogezwa mbele

Alfajiri ya kuamkia kesho Jumanne, Simba itaondoka jijini Dar es salaam kuelekea Afrika Kusini ambao siku ya Jumamosi May 15, 2021 wanakabiliwa na mchezo wa robo fainali ligi ya mabingwa dhidi ya Kaizer Chiefs

Hapa nyumbani ratiba ya ligi kuu ilikuwa ikionyesha kesho majira ya saa moja jioni, Simba ilipaswa kucheza na Coastal Union katika mchezo wa ligi kuu uliokuwa upigwe uwanja wa Benjamin Mkapa

Bodi ya Ligi Kuu nchini imesema mchezo huo umeahirishwa na utapangiwa tarehe nyingine kutokana na safari hiyo ya Simba kwenda Afrika Kusini kutimiza majukumu ya Ligi ya Mabingwa Afrika (CAFCL)

Aidha, Coastal Union watacheza dhidi ya Polisi Tanzania Mei 16, 2021 kwenye uwanja wa Mkwakwani, Tanga.