Msemaji na Afisa Habari wa klabu ya Simba amesema kuna ulazima wa kufanyika uchunguzi wa nini kilichosababisha kubadilishwa muda wa mchezo dhidi ya Yanga leo na baadae mchezo huo kuahirishwa baada ya Yanga kuingia mitini
Manara amesema kwa namna yake uchunguzi huo unaweza kulihusisha Bunge la nchi
Kupitia ukurasa wake wa mtandao wa kijamii, Manara ametoa maoni yake kuhusu kadhia hiyo ambayo kwa hakika imetia doa taswira ya soka la Tanzania ambalo kipindi cha karibuni limetizamwa kwa jicho tofauti baada ya mafanikio ya Simba kwenye michuano ya ligi ya mabingwa;
"Kabla ya jambo lolote lile kuendelea iundwe Kamati ya kibunge ijiridhishe kuhusu jambo liliotokea leo,ambalo limeacha maumivu makubwa Kwa Washabiki wa soka nchini zaidi ya elfu arobaini ambao walishalipa viingilio vyao ili kuangalia mechi hyo, lakini pia liliochafua taswira ya nchi kimataifa ukizingatia nchi nyingi za Afrika zilikuwa zimejiandaa kuangalia game hii!!
Baadhi ya hadidu rejea za tume hyo huru ziwe hizi;
Nini kilisababisha mechi hii kusogezwa mbele Kwa masaa mawili?
Why game Yanga na Azam pamoja Yanga na Biashara Mara ambazo nazo zilisogezwa mbele masaa mawili zilichezwa ila hii ya leo imeshindikana kuchezwa?
Uwazi wa kile kilichosababisha mechi isogezwe mbele Kwa masaa mawili na kwa nini Yanga muda mchache baada ya taarifa hiyo kutolewa walitoa taarifa ya kuonyesha kutaka kugomea hiyo mechi?
Je kwa niin ugomeaji huu uwe leo na usiwe katika mechi za Azam au Biashara?
Na kama Serikali ilikuwa na sababu za msingi za kusogeza mbele muda wa mechi Kisha kuiarifu TFF (@tanfootball) na Shirikisho hilo kuviandikia vilabu vyote barua,,Kwa nini Yanga pekee wagomee? Na kama wamegomea why Simba haikupewa ushindi?
Je hakukuwa na mbinu ya makusudi ya kuhairisha hii mechi?. Kama ilikuwepo nini kitaendelea?
Nani atalipa gharama ambazo klabu zimeingia kujiandaa na mechi hii na nani atalipia gharama za Watanzania waliolipa viingilio vyao sambamba na gharama kwa wale waliotoka nje ya Dar?
Hil jambo lisichukuliwe kirahisi rahisi maana limeacha maswali mengi ambayo Watanzania waliolipa viingilio vyao na wale walionunua vifurushi vya @azamtvtz wanapaswa kujua, lakini pia limeitia doa ligi yetu ambayo kwenye siku za Karibuni imekuwa maarufu kote barani Afrika.
@bunge.tanzania la watu linao wajibu wa kusimamia kero za watu kama hz za leo. Ni wao pekee kwa sasa wanaweza kuja na majawabu sahihi juu ya kadhia hii iliyowaumiza Watanzania wengi"
