Kocha Mkuu wa Simba Didier Gomes amesema mpango wao wa mchezo hautabadilika watakapowakabili watani zao Yanga katika mchezo wa ligi kuu ambao utapigwa keshokutwa Jumamosi katika uwanja wa Benjamin Mkapa
Tangu Gomes atue Simba, mfumo wa uchezaji wa mabingwa hao wa nchi umezidi kupendeza wakitajwa kuwa timu bora zaidi katika hatua ya makundi ya michuano ya ligi ya mabingwa
Gomes amesema wataendelea kucheza kama ilivyo kawaida yao akiwahimiza wachezaji wake kufunga pale wanapokaribia kwenye lango la wapinzani.
"Nahitaji kuona wachezaji wanacheza kwa kasi na kujiamini kwani mchezo wetu dhidi ya Yanga hautakuwa mwepesi kutokana na ushindani uliopo"
"Katika michezo iliyopita tumepata matokeo mazuri, imetuongezea kujiamini nafikiri tutakuwa na mchezo mzuri," amesema
Mchezo wa Jumamosi utakuwa wa kwanza kwa Gomes kuikabili Yanga,matumaini ni makubwa kwake kuanza na ushindi katika mchezo huo
