Mshambuliaji wa zamani wa klabu ya Simba Emmanuel Okwi anaamini klabu yake hiyo ya zamani inaweza kupata ushindi mnono dhidi ya Yanga katika mchezo wa ligi kuu baina ya timu hizo utakaopigwa Jumamosi ijayo katika uwanja wa Benjamin Mkapa
Okwi alikuwa sehemu ya kikosi cha Simba kilichopata ushindi wa mabao 5-0 dhidi ya Yanga mwaka 2012 akiutaja ushindi huo kuwa bora zaidi katika miaka ya hivi karibuni
"Ushindi ambao wanasimba wanaukumbuka zaidi nadhani ni ule tuliowafunga Yanga mabao 5-0 pengine kuliko hata walivyoifunga Al Ahly"
"Safari hii naona Simba wakienda kupata ushindi mwingine mnono kama ule tuliowafunga mwaka 2012"
"Simba ya sasa ni bora inaweza ikafanya maajabu dhidi ya Yanga," Okwi alinukuliwa na mtandao wa UZB Sports wa nchini Uganda
Mwaka jana Simba ilipata ushindi wa mabao 4-1 dhidi ya Yanga katika mchezo wa nusu fainali michuano ya kombe la FA
Huo ndio ushindi mkubwa zaidi ambao Simba wamepata dhidi ya Yanga baada ya ule wa mwaka 2012
