Katika mchezo wa duru ya kwanza dhidi ya Yanga, mlinzi Joash Onyango ndiye aliyekuwa shujaa wa Simba akifunga bao la kusawazisha kwenye dakika ya 87 na kuihakikishia Simba kuondoka na alama moja muhimu katika mchezo ambao wengi hawaamini ilikuwaje mnyama hakuondoka na alama zote tatu
Jumamosi ya wiki hii, saa 11 jioni Simba itakuwa mwenyeji wa mchezo wa pili dhidi ya Yanga kwenye ligi msimu huu
Onyango amewahamasisha mashabiki kuhakikisha wanafurika kwa wingi pale kwa Mkapa kushuhudia buruani ambapo ameahidi safari hii watahakikisha wanaondoka na alama zote tatu
Beki huyo raia wa Kenya amesema mashabiki wa Simba wamekuwa sehemu ya mafanikio wanayopata kutokana na hamasa yao kubwa wanayoipa timu
"Ni mchezo muhimu sana kwetu tunahitaji ushindi ili kuendelea kuongoza ligi lengo likiwa kushinda ubingwa. Mashabiki waje kwa wingi, hamasa yao ni muhimu sana kwetu. Tutahakikisha wanafurahia matokeo mazuri baada ya mchezo kumalizika," alisema Onyango
Onyango alitua Simba mwezi August mwaka jana akitokea klabu ya Gor Mahia ya Kenya. Wakati anatua wapo waliombeza kuwa umri umemtupa mkono lakini kiwango bora alichoonyesha mpaka sasa, watu hao wamepoteana
