Kocha Mkuu wa Kaizer Chiefs Gavin Hunt amekiri kuwa wanakabiliwa na mechi mbili ngumu za robo fainali ligi ya mabingwa dhidi ya Simba ambazo zitapigwa May 14/15 na May 21/22
Chiefs watakuwa wenyeji wa mchezo wa kwanza na kisha kusafiri jijini Dar es salaam kwa ajili ya mchezo wa pili
Hunt amesema mafanikio waliyopata Simba katika hatua ya makundi yanawapa taswira ni aina gani ya mpinzani wanakwenda kukutana nae
"Timu yoyote tunayokutana nayo katika hatua hii sio nyepesi. Simba walikuwa na hatua nzuri ya makundi, waliwafunga Al Ahly. Hakika hautakuwa mchezo mwepesi kwetu. Utakuwa mchezo mgumu sana kwa vyovyote vile, tunapaswa kufanya maandalizi lakini kwa sasa tunaangalia mchezo unaokuja mbele yetu kabla ya Simba," alisema Hunt
Ni mara ya kwanza kwa Kaizer Chiefs kufika robo fainali ya michuano ya ligi ya mabingwa wakati Simba hii ni mara yao ya tatu huku pia wakiwa wamewahi kucheza nusu fainali ya michuano hiyo mwaka 1974
Chiefs walimaliza nafasi ya pili hatua ya makundi wakati Simba walikuwa kinara wa kundi A mbele ya mabingwa watetezi Al Ahly
