Baada ya Simba kupangwa na Kaizer Chiefs katika mchezo wa robo fainali ya michuano ya ligi ya mabingwa barani Afrika, Kocha Mkuu wa Simba Didier Gomes amesema wako tayari kuwakabili Kaizer Chiefs wakiwa na malengo ya kufika mbali zaidi katika michuano ya msimu huu
Gomes amesema Simba imelenga kuvuka hatua ya robo fainali hivyo wamejipanga kucheza vizuri kusaka matokeo yatakayowapeleka nusu fainali
"Tunataka kufika mbali kwenye mashindano haya na tupo tayari kucheza vizuri dhidi ya Kaizer Chiefs kwenye michezo yote. Haitakuwa rahisi lakini nina uhakika huu msimu Simba inaweza kwenda mbali zaidi," alisema Gomes
Mchezo wa kwanza utapigwa Afrika Kusini kati ya May 14/15 wakati mchezo wa marudiano utapigwa uwanja wa Benjamin Mkapa wiki moja baadae
Hii ni nafasi kwa Simba kuandika historia mpya ya kutinga nusu fainali ya michuano hiyo mikubwa zaidi barani Afrika kwa ngazi ya vilabu
