Mwenyekiti wa Bodi ya Wakurugenzi klabu ya Simba Bilionea Mohammed Dewji 'Mo' amempongeza kocha mkuu Didier Gomes na benchi lake la ufundi kwa kazi nzuri wanayofanya katika kujenga kikosi imara
Mo amesema Wanasimba sasa wanafuraha kutokana na kazi nzuri inayofanywa na makocha hao ambao mara nyingi hawapewi sifa kwa kuwa hawaonekani moja kwa moja katika mafanikio ya timu
"Sisi sote mashabiki wa Simba tuna furahi sana kuona timu yetu inaendelea kufanya vizuri. Makocha wetu wapendwa, mpo nyuma ya pazia na ndio nguvu nyuma ya mafanikio ya timu. Tunakushukuru kwa uthubutu wenu na kujitoa kwenu na tuna imani kwamba mtaendelea kuisaida Simba kufanya vizuri zaidi," Mo ameandika katika ukurasa wake wa mtandao wa kijamii
Simba imekuwa na msimu mzuri chini ya kocha Gomes na benchi lake la ufundi wakifanikiwa kuipeleka timu robo fainali ya michuano ya ligi ya mabingwa
Lakini pia wameirejesha Simba kileleni mwa msimamo wa ligi kukiwa na uhakika wa kutetea ubingwa kwa msimu wa nne mfululizo
