Simba kujipima na Mbeya Kwanza leo

Baada ya ushindi wa mabao 3-1 dhidi ya Dodoma Jiji katika mchezo wa ligi kuu hapo jana, mabingwa wa nchi Simba leo watashuka tena uwanjani kule Azam Complex, Chamazi kujipima na Mbeya Kwanza, timu inayotarajiwa kucheza ligi kuu msimu ujao baada ya kupanda daraja

Mchezo utapigwa kuanzia saa kumi kamili jioni

Kocha Mkuu wa Simba Didier Gomes atautumia mchezo huu kuwapa nafasi wachezaji ambao hawajatumika sana katika michezo ya hivi karibuni

Ikumbukwe msimu unaelekea ukingoni, yapo maboresho ambayo Simba itahitaji kufanya kwa ajili ya msimu ujao

Mechi kama hizi zinamsaidia kocha kuwajaribu wachezaji wengine ili kutoa mapendekezo sahihi pale dirisha la usajili litakapofunguliwa