Tulihitaji kujiimarisha kileleni - Gomes

Kocha Mkuu wa Simba Didier Gomes amesema ameridhishwa na kiwango kilichoonyeshwa na wachezaji wake katika mchezo wa ligi kuu dhidi ya Dodoma Jiji, mchezo ambao Simba imeondoka na ushindi wa mabao 3-1

Akizungumza muda mfupi baada ya mchezo huo kumalizika, Gomes alisema walihitaji kushinda ili kujiongezea alama kileleni mwa msimamo wa ligi

"Ilikuwa ni mechi muhimu baada ya kukaa kileleni mwa ligi kwa hiyo ilitakiwa kushinda ili kuendelea kutengeneza tofauti ya pointi kwenye msimamo wa ligi. Bahati nzuri tumefanikiwa kufanya hivyo," alisema Gomes

Gomes amekamilisha ratiba ya ligi kwa mwezi April akifanikiwa kushinda michezo yote mitano

Bila shaka atashinda tuzo ya kocha bora wa April kwani ni anastahili