Baada ya kushinda michezo yote mitatu kanda ya ziwa na kurejea kileleni mwa msimamo wa ligi, kocha mkuu wa Simba Didier Gomes amesema wamedhamiria kushinda kile mchezo ujao ili kuhakikisha wanatetea ubingwa walioshinda kwa misimu mitatu mfululizo
Simba leo jioni itashuka uwanja wa Benjamin Mkapa kuikabili Dodoma Jiji katika mchezo unaotarajiwa kupigwa kuanzia saa moja usiku
Gomes amesema baada ya kuwa wamefanikiwa kupanda kileleni mwa msimamo wa ligi, kazi iliyobaki ni kuhakikisha wanabaki katika nafasi hiyo mpaka mwishoni mwa msimu
"Tumefanikiwa na kutimiza lengo letu kama timu kiu yetu ilikuwa kupanda juu ya msimamo wa ligi jambo ambalo limefanikiwa sasa rasmi tumeanza mbio za kulisaka taji la Ligi Kuu"
"Halikuwa jambo rahisi lakini wachezaji wangu wamepambana na kufanikisha hili tunashiriki mashindano mengi ambayo tunapaswa kupambana kwa nguvu na kulipa fadhila kwa mashabiki wetu ambao wamekuwa wakitusapoti bila kuchoka ," alisema Gomes
Katika mwezi huu April, Gomes ameiongoza Simba kushinda mechi zote nne, mchezo wa leo dhidi ya Dodoma Jiji ukiwa wa tano
Haitashangaza Gomes kupewa tuzo ya kocha bora wa mwezi huu kutokana na mafanikio hayo aliyopata
