Saa moja usiku leo Jumanne, April 27 vinara wa ligi kuu ya Vodacom Simba ambao pia ni mabingwa wa ligi hiyo kwa misimu mitatu mfululizo, watashuka katika uwanja wa Benjamin Mkapa kuikabili Dodoma Jiji
Simba itaingia katika mchezo huo, ikiwa na hesabu za kushinda ili kuendelea kujichimbia kileleni mwa msimamo kuweka sawa mahesabu ya ubingwa wa nne
Kocha Msaidizi wa Simba Selemani Matola amesema wanafahamu mchezo hautakuwa mwepesi lakini watakuwa katika uwanja wao wa nyumbani na hivyo watahakikisha wanashinda
Katika mchezo wa kwanza uliopigwa jijini Dodoma Simba iliondoka na alama zote tatu kwa ushindi mabao 2-1
Wachezaji Paschal Wawa, Luis Miquissone ambao walikosa mchezo uliopita wakitumikia adhabu ya kadi tatu za njano, wanatarajiwa kurejea kikosini kuwakabili Dodoma Jiji leo
Mchezo utapigwa kuanzia saa moja kamili usiku
