Kocha Msaidizi wa Simba Selemani Matola amesema wamejipanga kuhakikisha wanaondoka na alama zote tatu katika mchezo wa ligi kuu dhidi ya Dodoma Jiji ambao utapigwa kesho Jumanne katika uwanja wa Benjamin Mkapa
Simba ikiwa kileleni mwa msimamo wa ligi baada ya kujikusanyia alama 58, inawania ushindi muhimu ambao utaendelea kuwaimarisha juu katika msimamo
Akizungumza na wanahabari mapema leo kuelekea mchezo huo, Matola amesema Dodoma Jiji ni moja ya timu ngumu zilizojipambanua msimu huu
Lakini wanachohitaji ni kuona wanashinda mchezo huo katika mpango wao wa kutetea ubingwa kwa msimu wa nne mfululizo
"Dodoma Jiji ni timu nzuri lakini pamoja na ugumu na ubora wao lazima tupate alama tatu. Kila timu ambayo tunakutana nayo tunaenda kucheza kama ni fainali, tumeshasema nia yetu ni kutetea ubingwa," amesema
