Meneja wa mchezaji Mohammed Hussein 'Zimbwe Jr', Herry Mzozo amesema watasubiri msimu umalizike ili kujua hatma ya mlinzi huyo mahiri wa kushoto ambaye bado hajaongeza mkataba kuendelea kuitumikia Simba
Mzozo amesema alitegemea baada ya mkataba wake kubakisha miezi sita walipaswa kukaa mezani kukubaliana na kusaini kandarasi mpya lakini jambo hilo halijafanyika mpaka sasa
"Kwa kawaida mchezaji akibakisha miezi sita kama anahitajika klabuni lazima mkae mezani kujadiliana na kusaini mkataba mpya. Walimtuma mtu akaja tukawa hatujakubaliana lakini alivyoondoka hajarudi tena kwetu," amesema Mzozo
Mzozo amesema tayari amepokea ofa kutoka kwa timu za Mamelod Sundowns na Kaizer Chiefs zote za Afrika Kusini kutaka saini ya mlinzi ya mlinzi huyo
Mzozo ameweka wazi kuwa dau la kumpata Zimbwe Jr kwa timu itakayo muhitaji ni milioni 100 na mshahara wa milioni 8 hadi 10 kwa mwezi
