Kocha Msaizi wa Simba Selemani Matola amesema pamoja na timu kukabiliwa na ratiba ngumu ya kucheza mfululizo, wamejiandaa kuondoka na alama zote tatu katika mchezo dhidi ya Gwambina Fc utakaopigwa leo Jumammosi
Simba imekuwa ikishuka dimbani kila baada ya siku tatu na imefanikiwa kushinda michezo yote mitatu iliyopita
Matola amesema upana wa kikosi unawapa imani ya kuwa wataendelea kushinda kila mchezo unaokuja mbele yao
"Tumekuwa na mfululizo wa mechi kweli, lakini hatuna shida ndio maana tumesafiri na kikosi chote kutokana na ratiba kama hii namna inavyotubana
"Tumejipanga kwa mazingira yoyote kuhakikisha tunashinda mchezo wa kesho Aprili 24 dhidi ya Gwambina ili kukaa rasmi kileleni na kupigania tena ubingwa msimu huu," amesema Matola
Baada ya mchezo dhidi ya Gwambina, Simba itarejea jijini Dar es salaam ambapo baada ya siku tatu itacheza na Dodoma Jiji katika mchezo utakaopigwa uwanja wa Benjamin Mkapa
