Mabingwa wa nchi Simba wanaongoza katika kila takwimu kwenye ligi kuu ya Vodacom msimu huu
Katika michezo 23 waliyocheza, Simba imeshinda mechi nyingi zaidi 17 huku wakiwa wamefunga jumla ya mabao 54 na kuruhusu mabao tisa tu kutikisa savu zao
Ukizungumzia mlinda lango bora mpaka sasa ni Aishi Manula ambaye hajaruhusu nyavu zake kutikishwa katika michezo 13. Manula anasaidiwa na safu bora ya ulinzi kulingana na takwimu za idadi ya mabao ya kufungwa
Kinara wa mabao ni Meddie Kagere aliyeweka kambani mabao 11 akiwa amefungana na Prince Dube wa Azam Fc
Lakini aliyeko nafasi ya pili ni nahodha John Bocco aliyeweka kambani mabao 10
Kinara wa pasi za mabao ni Clatous Chama aiyetoa pasi 11 za mabao huku akifuatiwa na Luis Miquissone aliye na assist 9
Wachezaji wengine wenye mabao mengi katika kikosi cha Simba ni pamoja na Chama (7), Miquissone (6) na Chris Mugalu (6)
Simba imejikusanyia alama 55 kutoka michezo 23 ikihitaji kushinda mchezo unaofuata dhidi ya Gwambina Fc hapo kesho ili kwenda kileleni tena ikiwa na michezo miwili mkononi
Unapozungumzia timu bora hii ndio maana yake, takwimu zinatosha kuthibitisha kile kinachosemwa
