Mkuu wa Kitengo cha Habari na Mawasiliano klabu ya Simba Haji Manara amesema unazungumzia mafanikio wanayopata Simba sasa nyuma yake yupo Mwekezaji ambaye ndiye Mwenyekiti wa Bodi ya Wakurugenzi Bilionea Mohammed Dewji 'Mo'
Leo kitafanyika kikao kati ya Simba, FCC na Serikali ili kupata mwafaka wa sintofahamu iliyojitokeza kati ya Simba na FCC (Tume ya Ushindani) ambayo iliiagiza klabu ya Simba kuanza upya mchakato wa Mabadiliko
Wadau wengi wa soka wakiwemo wabunge kule mkoani Dodoma walionyesha wasiwasi wao kuwa FCC hawaitendei haki Simba ambayo tayari imepiga hatua kubwa katika mchakato wake
Manara amesema Mo anapaswa kuungwa mkono katika jitihada zake anazozifanya ndani ya klabu ya Simba ambazo pia zinasaidia kukuza soka la Tanzania
"Mo ndio chachu ya mafanikio makubwa ambayo Simba imepata katika michuano ya ligi ya mabingwa msimu huu"
"Unapoizungumzia Simba sasa, unazungumzia moja ya klabu nane bora barani Afrika wakati huu"
"Mnyonge mnyongeni lakini haki yake mpeni,kusema ukweli bila Mohamed Dewji Simba isingekua hapa. Nani angetoa mahela yote yale kumsajili mchezaji kama Miquissone?"
"Mishahara peke yake ndani ya Simba ni zaidi ya Milioni 300 kwa Mwezi. Ni kama Wizara, yaani ni dude Moja kubwaaaaa," alisema Manara katika mahojiano na Wasafi Fm
