Mabingwa wa nchi Simba sasa wamedhamiria kujiendesha kisasa zaidi kwendana na hadhi yake
Kwa mara ya kwanza Simba itakuwa na kitengo maalum cha kufuatilia wachezaji (Scout)
Kumekuwa na tetesi nyingi kuhusu nafasi ya Mkurugenzi wa kitengo hicho ambapo Mcongoman Mwinyi Zahera anatajwa
Kitengo cha Scout kitakuwa kikihusika zaidi ya masuala ya uvumbuzi wa vipaji vya wachezaji, kuhusika na masuala ya kusaka wachezaji wenye hadhi ya kusajiliwa na Simba bila ya kusahau kazi ya kutathmini wachezaji waliopo
Zahera aliyewahi kuinoa klabu ya Yanga hapa nchini, ana uzoefu mkubwa na soka la Kimataifa kwani amekuwa kocha msaidizi wa timu ya Taifa ya DR Congo kwa muda mrefu
Inaelezwa wiki hii Simba itamtangaza Mkurugenzi wa kitengo hicho baada ya kukamilisha usaili uliofanyika mwishoni mwa wiki
