Baada ya kukosa mchezo uliopita dhidi ya Mtibwa Sugar, winga Bernard Morrison huenda leo akapata nafasi ya kuanza katika mchezo dhidi ya Mwadui Fc ambao utapigwa uwanja wa CCm Kambarage
Kocha Mkuu wa Simba Didier Gomes alisafiri na wachezaji wake wote 28 ambapo Meneja wa timu Patrick Rweyemamu amesema wote wako tayari kwa ajili ya mchezo huo
Morrison amekuwa na mchango mkubwa katika kikosi cha hasa katika michezo ya hivi karibuni kwenye michuano ya ligi ya mabingwa na hata ligi kuu
Bila shaka leo atakuwa na muda wake katika mchezo huo utakaopigwa kuanzia saa kumi Alasiri
Aidha kinara wa ufungaji Meddie Kagere 'Bull Striker' ni wakati mwingine kwake kuendelea kuwaadhibu Mwadui Fc
Huku nahodha John Bocco naye akitarajiwa kuwa sehemu ya mchezo siku ya leo
Bocco alifunga mabao mawili kwenye ushindi wa mabao 5-0 ambao Simba ilipata katika mchezo wa kwanza uliopigwa uwanja wa Benjamin Mkapa
