Mabingwa wa nchi Simba wako mkoani Shinyanga ambako jioni ya leo watashuka katika uwanja wa CCM Kambarage kuikabili Mwadui Fc katika mchezo wa ligi kuu ya Vodacom
Ni siku nyingine ya burudani kwa mashabiki wa Simba kwani kila mmoja anafahamu Wekundu wa Msimbazi wanaposhuka dimbani hakuna atakayebaki salama
Simba inahitaji alama zote katika mchezo huo ili kuhakikisha inarejea kileleni kabla ya kurudi kwenye majukumu ya ligi ya mabingwa hatua ya robo fainali
Kocha Mkuu wa Simba Didier Gomes alisema kuwa baada ya mechi nne anataka kuona timu yake inaongoza ligi
Tayari Simba imeshinda mchezo mmoja dhidi ya Mtibwa Sugar na michezo mingine mitatu wanacheza kanda ya ziwa dhidi ya Mwadui Fc, Kagera Sugar na Gwambina Fc
Msimu uliopita Simba iliacha alama zote tatu katika mchezo dhidi ya Mwadui Fc uliopigwa CCM Kambarage, leo mabingwa hawatakuwa tayari kuacha alama hata moja
Mchezo unapigwa kuanzia saa kumi jioni
