Mkuu wa kitengo cha Habari na Mawasiliano klabu ya Simba Haji Manara amesema wachezaji wote wana ari kubwa kuelekea mchezo wa ligi ya mabingwa barani Afrika dhidi ya Al Ahly amboao utapigwa kesho ijumaa
Simba iliwasili Misri jana na usiku wachezaji wakafanya mazoezi yao ya kwanza nchini humo
Kikosi kitakamilisha mazoezi yake leo tayari kuwavaa mabingwa hao watetzi michuano ya ligi ya mabingwa
Akizungumzia hali ya kikosi, Manara amesema wachezaji wana ari kubwa wakiwa na shauku kupata matokeo hapo Misri
"Wachezaji wote wana ari kuelekea mchezo dhidi ya Al Ahly, ukiwatazama utaona kabisa wana kiu ya kufanya kitu hapa Misri," alisema Manara
"Tayari wachezaji wote wamechukuliwa vipimo vya corona kama CAF walivyoelekeza vipimo hivyo vichukuliwe saa 48 kabla ya mchezo"
"Tunachowaomba mashabiki wa Simba na Watanzania wote huko nyumbani mtuombee dua, sisi huku tumefanya maandalizi ya kutosha, tuko tayari kwa mchezo"
Leo Simba itafanya mazoezi katika uwanja wa Al Salaam ambao utatumika kesho katika mchez huo utakaopigwa kuanzia saa nne usiku
