Naibu Spika wa Bunge la Jamhuri ya Muungano wa Tanzania Dr. Tulia Ackson ameipongeza klabu ya Simba Sc kwa kufanikiwa kutinga robo fainali ya michuano ya ligi ya mabingwa barani Afrika
Dk Tulia amewataka Wabunge wote nchini bila kujali ushabiki wao kuungana kwa pamoja katika kuwaunga mkono wachezaji pamoja na timu nzima kwani wao wanawakilisha Tanzania
"Waheshimiwa Wabunge nichukue fursa hii kuwapongeza SIMBA SC kwa kufuzu kuingia robo fainal klabu bingwa Afrika, kuna Wabunge wanaweza wakawa hawajaelewa uzito wa jambo hili lakini kimsingi kama taifa wote tunapaswa tuungane kuwatia moyo wachezaji wetu na klabu yetu ili iendelee kufanya vizuri
"Ni kwa sababu hii fursa ya kuitangaza nchi yetu vizuri. Kwa hiyo ni muhimu sana hili tukawa tumelielewa ili tuende nalo pamoja kama taifa na ninaamini mashabiki wenzangu wa Yanga wataungana nami katika kuipongeza Simba kwenye hili," alisema Dk Tulia
