Wawakilishi wa Tanzania katika michuano ya Kombe la Shirikisho Afrika, Namungo FC jana walijikuta wakipoteza mchezo wa tatu mfululizo baada ya kukubali kichapo cha bao 1-0 kutoka kwa Nkana FC ya nchini Zambia nyumbani kwenye uwanja wa Benjamin Mkapa Dar es Salaam
Namungo wamefungwa mechi mbili nyumbani na moja ugenini wakiburuza mkia kundi D. Hawajafunga bao lolote katika hatua ya makundi
Pengine kukosa uzoefu wa michuano hiyo inaweza kuwa sababu iliyopelekea wasifanye vizuri hasa tangu walipotinga hatua ya makundi
Ni bahati mbaya kwao wameshindwa kuifanya kazi ambayo Simba wameifanya kwenye michuano ya ligi ya mabingwa kwa kujihakikishia kwenda robo fainali
Hata hivyo michuano hii ya Kimataifa sio rahisi, inahitaji maandalizi na kuwa na kikosi imara
Simba imeyafanya yote hayo, mafanikio inayopata sasa hayakuja kwa bahati mbaya
Matokeo wanayopata Namungo Fc ni somo zuri kwao pengine msimu ujao watajiimarisha zaidi
