Ukiangalia msimamo wa ligi ya mabingwa kundi A, unaweza usiamini kama ni kweli Simba iko hapo kileleni ikiwa imejihakikishia kutinga robo fainali baada ya mechi tano tu
Ndio hivyo, kazi imefanyika na kwa hakika kila mmoja aliyehusika kuiweka Simba hapo anastahili kupongezwa
Hii ni kuanzia Mwekezaji Bilionea Mohammed Dewji 'Mo' ambaye kwa kiasi kikubwa uwekezaji mkubwa allioweka katika klabu ya Simba umeanza kulipa
Lakini pia wachezaji wamepambana, kocha Didier Gomes ametimiza wajibu wake ipasavyo kwa kuhakikisha anatengeneza kikosi imara na mbinu sahihi zilizoipa Simba mafanikio
Viongozi wamelinda utulivu ndani ya Simba lakini mashabiki wamehamasisha kwa nguvu zote kile walipopewa nafasi
Jamani, hii Simba inastahilli pongezi, kwani imekuwa mwakilishi mzuri wa Tanzania, sidhani kama mafanikio haya yamewahi kupatikana wakati mwingine wowote kwa klabu za Tanzania
Simba imetinga robo fainali bila ya kupoteza mchezo, wameruhusu bao moja tu!
Wamemaliza juu ya mabingwa watetezi Al Ahly na huku wakiwa na mchezo mmoja mkononi
Simba itakwenda Misri kukamilisha ratiba tu wiki ijayo kwani kazi tayari wameimaliza..!
