Kocha Mkuu wa Simba Didier Gomes amesema ameandaa mkakati wa kuhakikisha wanapata ushindi katika mchezo wa ligi ya mabingwa dhidi ya AS Vita utakaopigwa Jumamosi, April 03 uwanja wa Benjamin Mkapa
Hata hivyo, Mfaransa huyo amelalamikia kuwakosa baadhi ya wachezaji ambao walikwenda kuzichezea timu zao za taifa mechi za kufuzu fainali za Mataifa ya Afrika. Afcon
Mpaka sasa wachezaji ambao tayari wamerejea kambini ni wale waliokuwa timu ya Taifa ya Tanzania na mlinzi Peter Muduhwa aliyekuwa timu ya Taifa ya Malawi
Gomes amesema timu yake itakuwa na muda mdogo wa kufanya maandalizi ya mwisho na watautumia kuwasoma AS Vita kupitia mikanda ya video zao
"Binafsi nimeshaangalia video za mechi za timu hiyo na kuna mambo nimeyabaini lakini sasa nataka kuwaonyesha wachezaji wangu ili wajue nini cha kufanya ndani ya dakika 90 za mchezo huo dhidi ya AS Vita," amesema
"Siku ya Ijumaa, tutafanya mazoezi mepesi uwanjani kufanya baadhi ya mbinu za kiufundi kupitia video kutoka AS Vita jinsi ya kuzuia na kuwashambulia"
