Bocco akabidhiwa tuzo ya mchezaji bora Januari

Nahodha wa Simba John Bocco leo amekabidhiwa tuzo yake na wadhamini wa ligi baada ya kuibuka kuwa mchezaji bora wa mwezi Janury 2018.

Bocco amekabidhiwa tuzo hiyo kwenye uwanja wa Taifa wakati Simba ikiivaa Mbao FC, mchezo uliomalizika kwa Simba kuibuka na ushindi wa mabao 5-0.

Majeruhi ya kifundo cha mguu yalimfanya Bocco ashindwe kucheza mchezo huo ambapo majukumu yake ya unahodha alikabidhiwa Emanuel Okwi.

Wakati huo huo Emanuel Okwi ameibuka kuwa nyota wa mchezo wa leo kwa upande wa kikosi cha Simba baada ya kupigiwa kura nyingi na mashabiki wa Simba.

Okwi alipachika mabao mawili kwenye mchezo huo.