Kiungo mahiri wa Simba na timu ya Taifa ya Uganda Taddeo Lwanga leo ameukosa mchezo wa kuwania tiketi ya kufuzu michuano ya Afcon 2021 dhidi ya Malawi baada ya kudaiwa kuwa na virusi vya corona
Mapema kuelekea mchezo huo Chama cha Soka Malawi kiliwazuiwa wachezaji wanne wa Uganda kucheza kwa kisingizio cha kuwa na virusi vya corona
Hata hivyo baada ya Uganda kuweka ngumu, nyota hao walilazimika kufanyiwa tena vipimo na kubainika kuwa hawakuwa na virusi hivyo
Baada ya sintofahamu hiyo wachezaji hao waliruhusiwa kucheza isipokuwa Lwanga
Uganda imepoteza mchezo huo dhidi ya Malawi kwa kufungwa bao 1-0 na hivyo kuondoshwa kwenye michuano ya Afcon wakati Malawi imefuzu kwa mara ya kwanza tangu mwaka 2010
Baadae Kenya itacheza na Togo ukiwa ni mchezo wa kukamilisha ratiba, Zimbabwe watacheza na Zambia pia ukiwa mchezo wa kukamilisha ratiba
Kesho Msumbiji watacheza na Cape Verde wakati Cameroon wakicheza na Rwanda
Michezo yote hii itahusisha wachezaji wa klabu ya Simba Joash Onyango, Perfect Chikwende, Clatous Chama, Larry Bwalya, Luis Miquissone na Meddie Kagere ambao watakuwa wakiyatumikia Mataifa yao
