Kocha Mkuu wa Simba Didier Gomes amewaita haraka wachezaji waliokuwa na majukumu ya timu za Taifa kujiunga na wenzao kwa ajili ya maandalizi ya mchezo wa ligi ya mabingwa dhidi ya AS Vita ambao utapigwa Jumamosi, April 03 kwenye uwanja wa Benjamin Mkapa
Baada ya kumalizika mchezo kati ya Tanzania dhidi ya Libya jana, kikosi cha Simba kitapata ahueni wakitarajiwa kuongezeka wachezaji tisa mazoezini
Wachezaji hao nia Aishi Manula, Shomari Kapombe, Mohammed Hussein, Kennedy Juma, Erasto Nyoni, Jonas Mkude, Mzamiru Yassin, Hassan Dilunga na John Bocco
Nyota wengine nane watajiunga na wenzao punde tu baada ya kukamilika mechi za leo na kesho
Wachezaji wanaotarajiwa kumaliza majukumu yao leo ni Peter Muduhwa (Malawi), Taddeo Lwanga (Uganda), Joash Onyango (Kenya), Clatous Chama na Larry Bwalya (Zambia), Perfect Chikwende (Zimbabwe)
Luis Miquissone na Meddie Kagere wao watakamilisha majukumu yao kesho
Simba ina siku nne za kukamilisha maandalizi yake kabla ya mchezo muhimu dhidi ya As Vita ambao mabingwa hao wa nchi watahitaji kushinda au kupata sare ili kutinga robo fainali
