Hii ni wiki ya Kimataifa kwa michuano ya kuwania kufuzu fainali za Afcon 2021 ambayo inafikia tamati mwishoni mwa wiki hii Mataifa mbalimbali yakiwania tiketi ya kushiriki michuano hiyo itakayofanyika nchini Cameroon
Wakati Tanzania ikitarajiwa kushuka uwanjani kule Guinea ya Ikweta kusaka matokeo yatakayowapa tiketi ya kushiriki michuano hiyo, Zambia itakuwa na kibarua kigumu mbele ya mabingwa watetezi Algeria
Viungo mahiri wa Simba Larry Bwalya na Clatous Chama watakuwa na jukumu la kuibeba Zambia katika mchezo huo ambao wanahitaji kushinda
Aidha nahodha John Bocco akiwa sambamba na nyota wengine wa Stars kutoka kikosi cha Simba, Aishi Manula, Shomari Kapombe, Mohammed Hussein, Erasto Nyoni, Kennedy Juma, Mzamiru Yassin, Jonas Mkude na Hassan Dilunga watakuwa na jukumu la kuiwakilisha Tanzania kwa kushirikiana na wachezaji wengine katika mchezo ambao Tanzania haipaswi kufungwa
Nae beki kisiki Joash Onyango leo atakuwa dimbani kuichezea timu yake ya Taifa ya Kenya itakapowakabili Misri katika mchezo utakaopigwa uwanja wa Kasarani
Hapo jana Meddie Kagere alikuwa sehemu ya kikosi cha Rwanda kilichopata ushindi wa bao 1-0 dhidi ya Msumbuji ya Luis Miquissone
Uganda ya Taddeo Lwanga ikalazimishwa suluhu ya bila kufungana dhidi ya Burkina Faso
Mlinzi Peter Muduhwa yeye ataitumikia Zimbabwe itakapowakabili Botswana baadae leo
Ni ishara nzuri kuona klabu ya Simba inatoa wachezaji wengi (18) katika timu za Taifa
Michuano hii inawasaidia wachezaji kujiongezea kujiamini, haishangazi kuona Simba ndio kinara wa kundi A michuano ya ligi ya mabingwa barani Afrika
