Stars kuifuata Guinea ya Ikweta leo

Kikosi cha timu ya Taifa ya Tanzania 'Taifa Stars' kinaondoka leo kuelekea Guinea ya Ikweta ambako Alhamisi, Machi 25 wanakabiliwa na mchezo wa kuwania kufuzu fainali za Afcon 2021 dhidi ya Guinea ya Ikweta

Stars iliweka kambi nchini Kenya kujiandaa na mchezo huo ambao Tanzania haipaswi kupoteza

Kikosi cha kocha Kim Poulsen kiliimarika baada ya wachezaji wa Simba waliokuwa na majukumu ya michuano ya ligi ya mabingwa kuwasili nchini Kenya

Aidha nahodha Mbwana Samatta, Saimon Msuva na Yohana Mkomola watajiunga na wenzao leo tayari kwa safari

Tanzania inashika nafasi ya tatu kundi J ikiwa na alama nne, nyuma ya Guinea ya Ikweta yenye alama sita wakati Tunisia wenye alama 10 kimahesabu tayari wamejihakikishia kucheza fainali za michuano hiyo