Baada ya kumaliza jukumu la kuiwakilisha nchi katika ngazi ya vilabu kwa ushindi mnono wa mabao 3-0 dhidi ya Al Merrikh, wachezaji wa Simba walioitwa timu ya Taifa, wanatarajiwa kusafiri kuelekea nchini Kenya leo kuungana na wenzao
Stars itashuka dimbani huko Kenya kesho Alhamisi, kurudiana na Harambee Stars katika mchezo utakaopigwa uwanja wa Kasarani
Juzi timu hizo zilicheza dimba la Nyayo na Kenya kushinda mabao 2-1
Wachezaji wa Simba wlaiojumuishwa katika timu ya Taifa ni Aishi Manula, Shomari Kapombe, Mohammed Hussein, Erasto Nyoni, Kennedy Juma, Jonas Mkude, Mzamiru Yassin, Said Ndemla na John Bocco
Aidha wachezaji Larry Bwalya na Clatous Chama wao wanaelekea Zambia kujiunga na timu ya Taifa ya nchi hiyo 'Chipolopolo' wakati Luis Miquissone anaelekea Msumbiji, Meddie Kagere akielekea Rwanda, Peter Muduhwa akielekea Malawi
