Wanamsimbazi wana kila sababu ya kufurahi wanapoangalia msimamo wa kundi A michuano ya ligi ya mabingwa barani Afrika
Mnyama yuko juu pale kileleni mbele ya mabingwa wa kihistoria wa bara hili, Al Ahly ambao ni mabingwa watetezi wa michuano hii
Alama 10 baada ya mechi nne, Mnyama amedondosha alama mbili tu huku akiwa hajafungwa hata bao moja, mabao aliyofunga ni matano
Al Ahly wako nafasi ya pili wakiwa na alama zao saba leo wakipata ushindi wa mabao 3-0 dhidi ya AS Vita kule DR Congo
AS Vita wanashika nafasi ya tatu wakijikusanyia alama nne, wakati Al Merrikh wanaburuza mkia wakiwa na alama moja
Kimahesabu, Simba inahtaji alama moja tu kutoka mechi mbili zilizobaki iweze kujihakikishia kuingia robo fainali
Al Ahly wao wanahitaji alama nne kutoka mechi zao mbili zilizobaki wakati AS Vita watahitaji alama sita
Mechi mbili zilizobaki kwa upande wa Simba ni dhidi ya AS Vita na Al Ahly
Mchezo unaotangulia ni dhidi ya AS Vita wakati mchezo wa mwisho utakuwa dhidi ya Al Ahly kule nchini Misri
Vita watakuja jijini Dar es salaam mwanzoni mwa mwezi April kuikabili Simba katika mchezo ambao lazima Simba apate ushindi au sare kujihakikishia tiketi ya robo fainali
Mchezo dhidi ya Al Ahly kule Misri hautabiriki, hivyo mechi dhidi ya AS Vita hapo kwa Mkapa lazima kieleweke!
