Mabingwa wa nchi Simba jioni ya leo watashuka katika uwanja wa Benjamin Mkapa kuikabili Al Merrikh katika mchezo wa ligi ya mabingwa raundi ya nne
Huu ni mchezo ambao ushindi kwa Simba utawasogeza karibu na tiketi ya kutinga robo fainali kwani watahitaji alama moja tu kutoka kwa mechi mbili zitakazokuwa zimebaki
Wakati akizungumza na waandishi wa habari jana, Kocha Mkuu wa Simba Didier Gomes aliweka wazi kuwa leo hakuna matokeo wanayohitaji zaidi ya ushindi
Gomes alisema anatarajia kufanya mabadiliko kidogo ya kikosi chake kuhakikisha wanashambulia zaidi na kujilinda kwa tahadhari
Watu 200 wataruhusiwa kushuhudia mchezo huo ambao utapigwa kuanzia saa kumi Alasiri
Ni mchezo muhimu, dua za mashabiki na Watanzania wazalendo ni kuona Simba inaondoka na alama zote tatu leo
Kila la kheri Simba kila la kheri mabingwa wa nchi..!
