Mnyama yuko tayari kuiangamiza Al Merrikh

Mabingwa wa nchi Simba kesho Jumanne watakuwa na jukumu la kuiwakilisha nchi katika mchezo wa ligi ya mabingwa dhidi ya Al Merrikh ya Sudan

Huu ni mchezo ambao Simba inahitaji alama zote tatu ili kuwa katika nafasi nzuri ya kutinga robo fainali

Mchezo huo ambao kwa mara ya kwanza hapa Tanzania utachezwa pasipo kuhudhuriwa na mashabiki, Simba imejiandaa na vita hiyo ya kimya kimya kummaliza Mwarabu pale kwa Mkapa

Al Merrikh walitua nchini tangu juzi, tayari kwa mchezo huo ambao pia utaamua hatma yao katika michuano ya ligi ya mabingwa msimu huu

Jana Kocha Didier Gomes alikamilisha maandalizi ya mwisho uwanja wa Mo Simba Arena wachezaji leo wakitarajiwa kutumia uwanja wa Mkapa baada ya mazoezi ya Al Merrikh