Kiungo Jonas Mkude keshokutwa anatarajiwa kurejea katika kikosi wakati Simba itakaposhuka uwanja wa Benjamin Mkapa kuikabili El Merrikh katika mchezo wa ligi ya mabingwa raundi ya nne
Tangu akumbane na adhabu iliyosababishwa na utovu wa nidhamu mwishoni mwa mwaka uliopita, Mkude amepoteza nafasi yake katika kikosi cha kwanza kwa Taddeo Lwanga aliyetua kwenye usajili wa dirisha dogo
Hata hivyo Lwanga atakosa mchezo dhidi ya El Merrikh kwa kuwa anatumikia adhabu ya kadi mbili za njano
Yeye pamoja na beki Paschal Wawa hawatakuwa sehemu ya mchezo huo sababu ya kadi
Kocha Mkuu wa Simba Didier Gomes alisema hana wasiwasi na Mkude, anaweza kutekeleza majukumu yaliyokuwa yakifanywa na Lwanga bila ya wasiwasi
Katika mchezo wa ligi kuu dhidi ya Tanzania Prisons, Mkude alianza sambamba na Mzamiru Yassin ambaye pia amejihakikishia nafasi kwenye kikosi cha Gomes
Huu utakuwa mchezo wake wa kwanza katika michuano ya ligi ya mabingwa mwaka huu
