Mchezo wa raundi ya nne michuano ya ligi ya mabingwa kati ya Simba dhidi ya El Merrikh ambao utapigwa Jumanne, March 16, hautahudhuriwa na mashabiki
Mkuu wa idara ya habari na Mawasiliano klabu ya Simba, Haji Manara amesema wamepokea maagizo ya CAF kupitia TFF mapema leo wakati wakiendelea na maandalizi ya mchezo huo
"Mechi yetu na Al Merrikh ipo pale pale lakini wakati tukiendelea na maandalizi tumepokea taarifa kutoka TFF ambayo imetolewa na CAF kwamba tucheze bila mashabiki."
"Mnawajua mashabiki wetu lakini hakuna namna tutacheza bila mashabiki. Wanaruhusiwa maafisa na watu wachache ambao wanahusika na mchezo."
"Simba imezoea kucheza bila mashabiki ikiwa nje ya nchi lakini sikumbuki kama hapa nchini tumewahi kucheza bila mashabiki. Tunawaomba radhi mashabiki kwa mechi hii sababu ni maamuzi ya CAF ambao ndio wenye mamlaka ya soka Afrika."
"Itakuwa ni vita ya kimya kimya kama ambavyo Simba anawinda. Wachezaji wetu wamezoea kucheza mbele ya mashabiki na wamezoea kucheza bila mashabiki, naamini wana uzoefu wa kutosha kucheza kwenye hali kama hiyo."
"Wanachoweza kufanya kwasasa mashabiki ni kuwaombea wachezaji na kuwaonyesha wachezaji hatupo uwanjani lakini tunawaombea na kuwapa nguvu," alisema Manara
Aidha 'Bugati' amesisitiza kuwa katika michuano ya ligi ya mabingwa msimu huu, wamekusudia kufanya jambo kubwa ambalo litaipa Simba na Tanzania heshima kubwa
"Simba imekusudia na inayo dhamira kuhakikisha mwaka huu tunafanya jambo kubwa ambalo litatupa heshima tunayostahili kama SIMBA."
"Tumepanga kufanya makubwa zaidi ya lengo la kufika nusu fainali. Tunakwenda kwenye mikakati mikubwa."
"CEO Barbara anapokwenda kwenye mikutano mikubwa kuna jambo kule. Sisi tunakwenda kwenye NEXT LEVEL. Tunajenga furaha ya miaka," aliongeza Manara
