Kocha Mkuu wa Simba Didier Gomes amesema hana shaka na uwezo wa beki Peter Muduhwa katika viwanja vya mazoezi na anaamini wakati wake wa kupata nafasi utafika
Hata hivyo amesema kwa sasa hawezi kumtumia mshambuliaji Junior Lokosa kwa kuwa hayuko fiti
Lokosa na Muduhwa waliongezwa kwenye kikosi cha Simba katika usajili wa dirisha dogo kwa ajili ya michuano ya ligi ya mabingwa
Hata hivyo wawili hao wamekuwa na wakati mgumu kupata nafasi kwenye kikosi cha kwanza kutokana na ushindani wa namba
Gomes amefunguka sababu ya kutowatumia wachezaji hao
"Lokosa hakucheza mechi zenye ushindani kwa muda mrefu kutokana na kule alikokuwa ligi haikuwepo kwa sababu ya corona, kwahiyo mpaka muda anafika hapa hakuwa na utimamu wa mwil"
"Nahitaji muda zaidi wa kumtengeneza Lokosa na kurudisha utimamu wake wa mwili na baada ya hapo ndio nimpatie nafasi ya kucheza, ndio maana mpaka sasa hajaonekana katika mechi za mashindano," Gomes amenukuliwa na gazeti la Mwanaspoti
"Muduhwa amekuwa akifanya vizuri hata mazoezini lakini inakuwa ngumu kupangua wachezaji ambao wanacheza vizuri na kuelewana katika ligi lakini kama itatokea changamoto au mahitaji zaidi nafasi ya kucheza inawezekana"
"Baada ya msimu kumalizika tutafanya tathmini ya kikosi kizima na kuangalia mahitaji ya timu yetu baada ya hapo ndio nitatoa mtazamo wangu wachezaji ambao tunatakiwa kubaki nao na maeneo ya kuongeza nguvu"
