Luis Miquissone amedhihirisha umuhimu wake kwenye kikosi cha Simba msimu huu akifunga mabao yenye thamani kubwa
Jana katika mchezo wa ligi kuu dhidi ya Tanzania Prisons alifunga bao lililoihakikishia Simba alama moja muhimu dakika za lala salama
Alifunga bao la aina hiyo katika mchezo dhidi ya Azam Fc ambao ulimalizika kwa matokeo ya sare ya mabao 2-2
Ni huyuhuyu Miquissone aliwalaza na viatu Al Ahly kwenye mchezo wa ligi ya mabingwa, ushindi ambao uliifanya Simba ilitikise bara la Afrika
Al Ahly ndio mabingwa watetezi wa michuano ya ligi ya mabingwa na hawakuwa wamepoteza mchezo wowote barani Afrika wakiwa chini ya kocha Pitso Mosimane
Thamani ya Miquissone imepanda mara dufu, anafunga, anatoa pasi za mabao na wakati mwingine ameshiriki katika ulinzi
