Mikiki mikiki ya ligi kuu ya Vodacom inaendelea leo ambapo mabingwa watetezi Simba watashuka uwanja wa Benjamin Mkapa kuikaribisha Tanzania Prisons
Baada ya kuiwakilisha nchi vyema kwenye michuano ya ligi ya mabingwa, Simba itaendelea na kampeni ya kutetea ubingwa wake wa ligi kuu kwa msimu wa nne mfululizo
Wanashuka kuikabili Tanzania Prisons, ambayo Mnyama ana kumbukumbu katika mchezo wa duru la kwanza, alipoteza kwa kufungwa bao 1-0 kule Sumbawanga
Hivyo huu ni mchezo wa kisasi kwa Simba, hakuna matokeo mengine zaidi ya ushindi kwa Simba
Baada ya mzoezi ya jana jioni, kocha mkuu wa Simba Didier Gomes alisema kuwa vijana wake wako tayari na wana matumaini makubwa ya kufanya vizuri leo
Winga Bernard Morrison ni miongoni mwa wachezaji walioshiriki mazoezi ya jana na bila shaka Gomes leo atampa nafasi katika kikosi chake
Mchezo utapigwa kuanzia saa moja usiku
