Klabu ya Simba Sc huenda ikapata alama tatu za mezani mara baada ya El Merreikh kuwajumuisha wachezaji watatu katika mchezo uliopita wa Ligi ya Mabingwa barani Afrika ambao walifungiwa miezi 6 na shirikisho la soka la Sudan (SFA) kutokana na kusaini mkataba na timu mbili tofauti (El Hilal na El Merreikh)
Wachezaji hao ni Mohamed AlRashed Mahamoud, Ramadan Agab pamoja na Baljit Khamis Mohamed
Mpaka sasa Simba Sc tayari wamepata taarifa hiyo yenye vithibitisho ambavyo kwa mujibu wa kanuni ya saba ya CAF endapo shirikisho hilo litajiridhisha ni wazi Al Merrikh wanaweza kupokwa alama zote za mechi ambazo wachezaji hao wametumika na hata kuondoshwa katika michuano hiyo
Kama CAF watachukua hatua ya kuwaondosha mashindanoni, maana yake ni kuwa mechi zote walizocheza zitafutwa
Hapo Simba itanufaika zaidi kwani wao watapoteza alama moja tu wakati AS Vita na Al Ahly zitapoteza alama tatu kwa kila timu
