Al Ahly imelazimishwa sare ya mabao 2-2 dhidi ya AS Vita katika mchezo wa ligi ya mabingwa raundi ya tatu uliopigwa nchini Misri
Mapema jana Simba ilifanikiwa kupata alama moja nchini Sudan na kufikisha alama saba wakiendelea kubaki kileleni
AS Vita na Al Ahly zinafuata katika nafasi ya pili na ya tatu zote zikiwa na alama nne wakati Al Merrikh wanaburuza mkia wakiwa na alama moja
Kimahesabu Simba inahitaji angalau alama nne kutoka mechi tatu zilizobaki ili iweze kujihakikishia kutinga robo fainali
Mechi mbili dhidi ya Al Merrikh na AS Vita zitachezwa jijini Dar es salaam na mchezo wa mwisho ni dhidi ya Al Ahly kule Misri
Mchezo dhidi ya Al Merrikh ni lazima Simba ishinde na kisha kupigania ushindi au alama moja dhidi ya AS Vita
Kwa jinsi msimamo ulivyo timu zote zina nafasi ya kufuzu kama zitachanga vyema karata zao, silaha muhimu kwa Simba ni mechi hizi mbili za nyumbani
