Mtendaji Mkuu wa Simba Barbara Gonzalez amesema kikosi kiko tayari kwa mchezo wa ligi ya mabingwa dhidi ya Al Merrikh ambao utapigwa kuanzia saa tisa Alasiri (Tanzania saa kumi)
Akizungumza chache kuelekea mchezo huo, Barbara amesema hakuna changamoto yoyote waliyokutana nayo nchini Sudan huku akibainisha kuwa wachezaji wote wamepimwa na hakuna aliyekutwa na maambukizi ya virusi vya corona
"Kila kitu kinaenda sawa tangu tumefika hapa Sudan, hatujapata changamoto yoyote wachezaji wamechukuliwa vipimo vya COVID 19 na jambo la kushukuru wote wako sawa na mipango yote iko sawa. Benchi la ufundi linafanya majukumu yake na morali ya wachezaji ipo juu," amesema Barbara
Barbara ndiye kiongozi wa msafara wa klabu ya Simba huko Sudan ukiwa ni mchezo wa pili ugenini hatua ya makundi ya michuano ya ligi ya mabingwa
Aliiongoza Simba kule DR Congo na mabingwa hao wa nchi kuondoka na ushindi wa kihistoria wa bao 1-0 dhidi ya AS Vita
