Simba Queens yarejea kileleni kibabe

Mabingwa watetezi ligi kuu ya Wanawake Simba Queens leo wamedhihirisha ubabe wao dhidi ya watani zao Yanga Princess wakipata ushindi wa mabao 3-0 katika mchezo uliopigwa uwanja wa Uhuru

Ni matokeo yaliyoirejesha Simba Queens kileleni mwa msimamo wa ligi wakifikisha alama 39, alama moja mbele ya wapinzani wao Yanga Princess wenye alama 38

Mabao ya Simba Queens yalifungwa na Mwanahamisi 'Gaucho', Oprah Clement na Nasri Joel

Kocha Mkuu wa Simba Queens Mussa Hassan Mgosi amewaomba radhi mashabiki baada ya ushindi huo mwembamba

"Mechi ya kwanza walipopata sare walizungumza sana lakini hawakufahamu tuliwaachia. Leo tumewafunga mabao machache, tulipaswa kuwafunga tisa au kumi hivyo nawaomba wadhi mashabiki kwa ushindi huu mwembamba," alisema Mgosi