Baada ya mapambano ya mechi za Kimataifa na FA, mabingwa wa nchi Simba wanarejea katika mbio za ligi kuu siku ya kesho Jumatatu ambapo watashuka kunako uwanja wa Benjamin Mkapa kuikabili JKT Tanzania
Mechi hii ni miongoni mwa mwechi tatu za viporo ambazo Simba wanahitaji kushinda ili kurejea kileleni katika nafasi ambao ni suala la muda tu wataimiliki
Kesho Simba inatarajiwa kushuka dimbani ikiwa na silaha zake zote kamili baada ya kocha Didier Gomes kuwapa mapumziko baadhi ya wachezaji katika mchezo wa kombe la FA dhidi ya African Lyon juzi
Simba iliondoka na ushindi wa mabao 3-0, Ibrahim Ajibu akiweka kambani mabao mawili na bao la tatu likifungwa na Perfect Chikwende
Baada ya mchezo huo, mabingwa wa nchi wanarejea tena katika majukumu ya Kimataifa wakitarajiwa kusafiri kuelekea nchini Sudan ambako wanakabiliwa na mchezo wa ligi ya mabingwa dhidi ya Al Merrikh March 05
Ni mchezo muhimu kwa Simba inayofukuzia nafasi ya kutinga robo fainali mapema, alama sita dhidi ya Al Merrikh zinaweza kufanikisha mpango huo
