Lokosa atakiwa Norway

Klabu ya Stromsgodset inayoshiriki Ligi Kuu nchini Norway inamuwania mshambuliaji wa Simba, Mnigeria Lokosa Junior

Lokosa mwenye umri wa miaka 27, ana mkataba wa miezi sita na Simba, lakini klabu hiyo imeonyesha nia ya kununua kandarasi hiyo

Rekodi zinaonyesha kuwa Lokosa akiwa Kano Pillars ya kwao Nigeria ndani ya msimu wake wa kwanza tu, alicheza mechi 14 na kutupia nyavuni mabao matano hiyo ikiwa mwaka 2017

Msimu uliofuata, 2018 aliendelea kuuwasha moto na kufunga mabao 14 katika michezo 15

Bado hajapata nafasi ya kutosha ndani ya kikosi cha Simba kwa kuwa amesajiliwa kwa ajili ya michuano ya Ligi ya Mabingwa tu

Kocha Didier Gomes amesema nyota wapya waliotua dirisha dogo wataendelea kuingia taratibu katika kikosi chake