Mabingwa wa nchi Simba wametinga raundi ya 16 ya michuano ya kombe la Shirikisho la Azam (ASFC) kwa ushindi wa mabao 3-0 dhidi ya African Lyon katika mchezo uliopigwa uwanja wa Benjamin Mkapa
Ulikuwa ni mchezo ambao ubora wa Simba ulidhihiri, wababe hao wa soka nchini wangeweza kuondoka na ushindi mnono zaidi kama washambuliaji wake wangekuwa makini
Ilikuwa siku nzuri kwa fundi wa mpira Ibrahim Ajibu aliyeweka kambani mabao mawili kwenye kipindi cha kwanza huku Perfect Chikwende akiongeza la tatu katika kipindi cha pili
Meddie Kagere 'MK14' haikuwa siku nzuri kwake akikosa nafasi kadhaa pamoja na mkwaju wa penati
Simba sasa itachuana na Kagera Sugar katika mchezo wa raundi ya 16 ambao utapigwa uwanja wa Benjamini Mkapa
ADVERTISE HERE
